EDITORYAL - Kalambuan sa Sugbu

Gipanglantawan ni Mayor Tomas Osmeña ang dugang pag-uswag sa dakbayan sa Sugbu sud sa Bag-ong Tuig 2010.

Puwera politika, husto ang nakita sa mayor nga mahitabo sa siyudad ning tuiga.

Naay klarong ilhanan kun timailhan nga molambo pa gayud kining Harang Dakbayan sa Habagatan.

Gani diha toy usa ka economics scholar nga miingon: “Cebu City will develop on its own strength whoever its mayor will be.”

Tingali husto kining scholar apan kaming ordinaryong tigpaniid nagtuo nga gikinahanglan gihapon ang usa ka batid nga guiding hand kun suhitong kamot nga mogiya sa Sugbu ngadto sa mas dakong kalambuan.