Pulos mi-deny

Ang tanang suspek kon gidudahang mihimo sa masaker sa Maguindanao nanghimakak sa akusasyon nga sila ... Kun dili sila kinsa?

* * *

Ayaw ko ingna, Igso, nga mass suicide tong nahitabo. Klaro pa sa diyes nga DILI panas kun kinsa ang mihimo sa masaker. Himoon gyud nga panas ang diyes.

* * *

Tanang kandidato pulos modaug. Sumala nila. So nganong mangataki, manginsulto, mamiaybiay pa man sa kaatbang? Huwaton ta lang ang hukom sa Haring Lungsod.

* * *

Ang nakaporke lang, Bai, kay ning panahuna ang Haring Lungsod usahay mosaliring sad panahon nga wa'y mapunit nga makaon sa lamesa.

* * *

Aniay joke nga nabasahan ko sa "River of Lourdes," official newsletter sa Archdiocesan Shrine of Our Lady of Lourdes diha sa Punta Princesa, ning siyudad. Gusto ko ning i-share ninyo.

* * *

Makamatay ang sobrang grasya: Adunay usa ka tigulang nga masakiton og kasingkasing nga nakadaug og lotto nga mibalor og P65 milyon. Ang nakaapan kay maglisud ang iyang mga kabanayan pagsugilon niini kay basin unya og matiwasan, atakihon sa kasingkasing ...

* * *

Busa, nagpatabang sila sa ilang Padre Kura. Nasabutan nga ang maong pari maoy mobalita niini ngadto sa tigulang.

* * *

Pari: Noy Insyong, unsay buhaton mo kung makadaug ka'g lotto?

Insyong: Aw, malipay jud Dre. Unya akong ihatag ang katunga niini sa simbahan, unya duna pa kay pinaskuhan.

Sa pagkadungog sa pari niini, ang kura paroko maoy nakuyapan ug gitabang...

* * *

TRIVIA -- Maayong buntag sa atong mga higala diha sa kombento sa Lourdes Pariah ... Ug sa mga suki nato diha sa mini-market sa Punta.