EDITORYAL - Vision giilang "heritage" sa Sugbu

Nasunog adtong miaging adlaw ang Vision theater diha sa kalye Colon ning dakbayan sa Sugbu.

Ang danyos, suma pa sa balita, mikabat sa P2 milyones. Pero kini gamay ra kaayo kun itandi sa historic value sa maong sinehan.

Ang edipisyo gipabarug niadto pang dekada sa 1920 ug ang desinyo niini lahi kay sa mga desinyo sa mga edipisyo nga atong makita sa siyudad niining atong henerasyon.

Gani, tungod sa katiguwang na sa maong edipisyo giila na kini nga usa ka heritage building sa National Historical Commission.

Bisan pag nasunog na kini, angay unta nga pangitaa’g paagi nga mapreserbar ang Vision theater sa ngalan sa kasaysayan sa Sugbu.