Ang Tubig Isip Tambal

52. Ang tubig ug ang lawas

Sa atong pagsagop sa tubig ingon nga tambal, wala kini magpasabot nga dili na lang gyod ta mangonsulta sa doktor sa higayon nga masakit kita. Ang tubig dili hulip (substitute) sa bisan unsang tambal o medisina nga iresita sa usa ka doktor.

Apan ang tubig usa ka maayong kaabag sa medisina sa paghatag og benepisyo sa lawas sa tawo. Kini ang hinungdan nga tubig gyod ang gamiton aron atong malamoy ang tambal (kapsula o tableta) nga giresita sa doktor alang sa atong mga sakit ug balatian.

Ang tubig motabang sa lawas pagsuyop ug pag-assimilate sa mga sustansiya ngadto sa mga bloodstream ug internal organs. Ang hustong pag-hydrate makatabang sa lawas pagpakigbatok sa pagkaumol sa kidney stones, urinary infection ug constipation. Motabang sab kini pagpagawas sa toxins ug mga biya gikan sa lawas.

Importante ang pag-inom og limpiyo, luwas ug himsog nga tubig. Ang pag-inom og limpiyong tubig makaputol sa risgo sa cancer sa colon, dughan o tutoy, bladder ug kidney. Ang pag-inom og tubig sa dili pa mokaon makatabang bahin sa weight loss ug weight control sanglit moabag man kini sa pagpahigayon og maayong digestion.

Namatud-an nga ang dehydration nga 2 porsiyento mohatod ngadto sa significant short-term memory loss. Busa, importante gyod nga ma-hydrate ang utok.Nasuta nga ang tubig makapausbaw sa mental performance angay gyod moinom og tubig alang sa lagsik nga pag-function sa utok.

Ang tubig mopadangog (lubricates)sa mga lutahan ug kaunoran busa makatabang kini niadtong may arthrities. Mopakunhod sab kini sa inflammation, motabang sa paspas nga pag-alim sa samad ug uban pa. (Sunod: Crucial Role)