14. Ang pagpabukal

Ang pagpabukal sa tubig ilimnon maoy labing sayon nga paagi nga mahimo aron paglimpiyo sa tubig o sa pagpatay sa harmful bacteria o contamination niini.

Gani, mao man kini ang daling ikasugyot sa mga tinugyanan sa Department of Health sa higayon nga may mohugpang epidemya diin nalambigit ang tubig nga maoy gikonsumo sa pag-inom sa katawhan.

Dili kay kita ray naghimog ingon niini. Didto sa India, ang kasagaran nga tubig nga giinom sa katawhan pinabukalan gyod, labina sa mga molupyo sa dapit nga walay access sa filtration system.

Bisan tuod nga makapatay gayod sa mga bakterya ug ubang makadaot nga kontaminasyon ang pagpabukal sa tubig nga ilimnon, nasuta sab nga ang maong pamaagi aduna usay disadvantages.

Ang kainit nga gikinahanglan sa pagpabukal sa tubig substantial, ug sa pagmahal na sa bili sa sugnod -- sama sa LPG--maisip nga gastoso kining maong pamaagi.

Dili 100% ang garantiya nga ang pagpabukal sa tubig makapatay o maka-deactivate sa tanang virus sanglit may mga kagaw man nga maka-survive sa boiling temperature.

Ang gipabukal nga tubig walay lami (tasteless). Labaw sa tanan, nasuta sa labing ulahing pagtuon nga ang gipabukal nga tubig energy dead ug dili maayo alang sa lawas sa tawo.

Ang German researcher nga si Dr. Paul K. Koff mibutyag nga ang gipabukal nga tubig wala nay crystalline structure ug maka-stimulate og pathological increase sa blood count. (Sunod: Tubig Sa Gripo)