EDITORYAL - Laing kumbati ni Pacman

Sa makausa pa, ang Pinoy boxing hero nga si Manny Pacquiao makigharong og lain nasang kontra ibabaw sa ring didto sa Las Vegas karong adlawa.

Sama sa mga nangaging away ni Manny, ang tibuok nasud mohunong sa ilang mga gimbuhaton aron sa pagtan-aw ug pag-abiba sa giilang ring hero sa nasud.

Ang nasud nanghinaut nga sa makausa pa mogawas nga mananaug si Pacman alang sa kadungganan sa Pinoy.

Apan, baya, naay pipila ka mga tawo nga way kaso kanila kun mapilde si Pacman. Kining mga tawhana, mao kadtong gustong mobiya na si Pacquiao sa pamoksing ug mo-entra sa politika.

Sa nahibaw-an na sa kadaghanan, naay political group nga gustong modagan si Pacman pagka-kongresista didto sa Mindanao. Ug mipakita man sab ang “pambansang kamao” og interes.

Puwera una ang politika. Sa pagkakaron manghinaut kita nga dili mapakyas si Manny sa paghatag og laing kadungganan sa Pilipinas.