Kolorum nga mga traysikol

Gikan sa cell. no. 0917-6401684: “Maayong adlaw, Sir. Reklamo ko sa daghang kolorum nga traysikol nga maglinya sa Punta Princesa, Cebu City. Mobiyahe ni sila paingon sa Buhisan. Mamugos sila og paningil sa plitehan nga P6.00. Kasab-an ang pasahero kun P5.00 ray iplite.” -- (Sent: 10:14:08am--June 3, 2008)

* * *

Angay ning hatagan og pagtagad sa proper authorities, labina sa mga opisyal sa barangay diin nag-operate kining maong kolorum nga mga tricycle. Kun mamatud-an nga nakahimog kalapasan ang mga driver ug operator ning maong mga sakyanan, angay ipahamtang ang estriktong mga sumbanan sa balaod.

* * *

“Naay daghang mga sugarol diri sa Purok Lemoncito, Umapad, Mandaue City. Wala gihapon sila nitagam. Sige gihapon og mahjong.” -- 0928-5961759 (Sent:11:39:17pm-- June 2, 2008)

* * *

Kun wala ko masayop, nalakip sa kalapasan nga gidili ubos sa Presidential Decree No. 1602 ang pagsugal og mahjong.

Busa kamong mga sugarol og mahjong diha sa Purok Lemoncito Umapad, Mandaue City, hunong na mo! Dili ra ba ganahan si Kapitan Zaldy Lumapas nianang maong illegal nga buhat!

* * *

“Good day, Sir. Ako lang ipaabot ngadto sa mga hingtungdan nga kining dalan sa may White Gold dapit puwerte kangitngit inig-abot sa alas dose sa gabii kay palongon na man ang mga suga sa poste nga gipanag-iya sa WG. Mohangyo  lang unta mi sa mga opisyal sa brgy. Tejero nga butangan og suga ang maong dapit. Kana ra ba dihang dapita ang nahitaboan sa daghang tulis.” -- 0917-8274562 (Sent: 03:19:24pm-- June 3, 2008)

* * *

Lehitimo kining panawagan sa atong texter. Manghinaot ta nga makabasa niini ang mga nahingtungdan ug matagad kining iyang panawagan.

Kuyaw bitaw kaayo ang mga lugar nga ngitngit kun magabii kay anha diha maghugop sa pag-atang ang mga tawong daotan. Peligro kaayo kini alang sa atong kaigsuonan nga mahitapnas sa maong dapit panahon sa kagabhion.

Hinaot unta nga maresulbahan ning maong suliran sa labing daling panahon.

(Sumbong ug reklamo? Text sa 0910-8105522)