Tinuod bang adunay world food crisis?

Sa pagka-moderno na kaayo sa kalibutan, gani nangabot na ang tawo sa kawangan, ug mao nay giplanohan ang ilang gitawag nga space tourism, magnihit ang pagkaon sa tibuok kalibutan?

Giingon nga muabot ra ang panahon nga adto na ta mobakasyon sa Mars, sa Venus, ug sa buwan. Ingon na kita niini ka-advanced, kun teknolohiya ang hisgutan. Apan, nganong magnihit man ang pagkaon? Unsa man diay ang nahimo sa United Nations? Unsa may nahimo sa higanting mga financial institutions, International Monetary Fund (IMF) ug ang World Bank (WB)?

Hain na man paingon ang ilang mga kwarta nga gipahuwaman? Labaw ra ba tingali sa katunga sa atong budget dinhi sa atong nasud, tua paingon sa IMF ug sa WB, bayad sa atong mga utang.

Gisugyot nga unta ang atong kagamhanan, mobarug isip usa ka genuine nga republican state, “assured of independence and sovereignty – by investing national resources for infrastructure, food security, modern energy and fuel sources, public education, health and scientific development.”

Mao ba ni ang gihimo sa atong kagamhanan? Imo ba ning na-feel  karon, Dro?

Di ba ang priority sa atong budget, mao man ang pagbayad sa atong mga utang sa WB ug sa IMF? Mao man gani hinungdan nga kinahanglan motuman kita to the letter sa ilang mga conditionalities nga ipahamtang nganhi kanato.

Sa iyang column, si Herman Tiu Laurel, mibatbat ning mosunod nga mga kondisyon sa IMF ug WB, aron magpadayon ang ilang pagtuok sa atong liog, ug magpadayon ang atong pagsalig kanila:

“Eradication of subsidies for Third World peasants (while Europe and US subsidize their farmers to over $1 billion a day); trade liberalization, a.k.a. removal of tariffs on importation, including agricultural products in particular (drowning local farmers with subsidized imports); privatization and sabotage of public infrastructure programs (such as hydro-electric facilities, which are sources of irrigation)”.

Mao kini ang pipila sa mga conditionalities nga usually in imposed kanatong mga makililimos nga nasud kon third world countries, nga kun kwentaho’g maayo, disadvantageous kaayo alang kanato.

Ato ning padayonon pagtuki sa sunod natong lindog, Dro. Atong sutaon kun nganong nag-food crisis kita, ug nganong gihadlok man ta sa IMF ug sa WB niining ilang giingon nga world food crisis.