EDITORYAL - Panahon sa pamalandong

Huwebes Santo na. Nagkaduol na ang adlaw diin gilansang sa krus didto sa bukid sa Kalbaryo ang atong Manunubos mga duha na ka libo ka tuig nga minglabay.

Panahon sa pagpamalandong. Ug sa pagsukit-sukit sa atong kaugalingon kun ato bang nahatagan og bili ang pag-antus ug pagpakamatay sa atong Ginoo.

Niadtong mga nalimot sa nahitabo didto sa bukid sa Kalbaryo higayon karon nga ilang buhion sa ilang panumdoman ang pasyon ug kamatayon sa atong Manunubos.

Likayan usa nato ang mga yutan-ong butang nga misukwahi sa mensahe nga gipadangat kanato gikan sa bukid sa Kalbaryo.