Ang pag-unay sa mga Osmeña gikalipay sa mga Garcia

It seems nga magpadayon gyud ang panagbangi sa mga Osmeña, particularly tali kanila ni Mayor Tomas ug kanhi Senador Sonny Osmeña. Of course, di ni maayo alang kanila. Ilabina karong panahona nga gi-perceive nga lig-on ug lisud pildihon si Gov. Gwen Garcia. Mao man ganiy hinungdan nga sa atong pagsulat niini, wa pay klarong kontra.

Tingali unya hinuon kun mapagan silang tanan. Hinuon, kon magpadayon ang ilang pag-pinaghutay, hayahay kaayo ang mga Garcia, particularly sila si Gov. Garcia ug kanhi Gobernador Pabling Garcia.

Kinsa goy magdahom nga mailog sa mga Garcia ang lalawigan nga kaabin man sa mga Osmeña ang mga Garcia? Ug lagmit, nagsalig si Tomas tungod kay siya na lay nahibilin nga Osmeña sa gahom, tapus i-junk si Sonny sa miaging eleksiyon.

Hinuon, giingon nga nag-uli na sila si Sonny ug Lito Osmeña. Kon tinuod man, makaayo kini kanila, apan ikasubo sad sa mga Garcia sa lalawigan.

Apan kon tinud-on ni Tomas nga mangampanya siya batok kang Sonny, morag mapatas lang ang panag-uli nila ni Sonny ug Lito.

Anyway, asa man si Senador Serge Osmeña? Kon mag-Gobernador siya, di ba nila makuha pagbalik ang friendship sa mga Durano, Gullas ug mga Ouano?

Kun mag-usa sila si Sonny, Lito ug Serge, kinsa may paminawon sa mga Sugbuanon, si Tomas gyud?

Indeed, usa ka katingalahang mananap ang politika sa Pilipinas. Way igsoon, way ig-agaw, way paryente sa politika. Ang imo karong amigo, kontra na ugma.

Hinuon, naa ra kini sa mga Osmeña kon buot ba sila nga mahanaw ang ilang apilyedo tapus niining eleksiyona.

Unsay think mo, Dro?