EDITORYAL — Maayong kalihukan sa kapolisan

Dunay values renewal seminar alang sa mga polis nga gipahigayon diha sa Balamban, Sugbu. Gipasiugdahan kini sa pipila ka mga relihiyosong pundok.

Ang katuyoan sa maong seminar-- gitawag og PNP Values and Leadership School -- mao ang pagtabang sa Philippine National Police nga mahimo kining "God-centered, service oriented and family based government enforcement agency."

May 2, 300 na ka mga polis gikan sa nagkadaiyang lalawigan sa Central Visayas ang nakagradwar sa maong values renewal training.

Misuporta kami sa maong kalihukan kay kami nagtuo nga ang pagka God-centered sa atong kapolisan moresulta sa maayong pamatasan ug kinaiya sa mga polis ug kini maoy makapabalik ngadto kanila sa pagdayeg ug pagrespeto sa publiko.