Hindi ba kaya ni Doromal si Bong Villafuerte?

MAY pagkukulang din pala itong PNP leadership natin kung bakit hindi nila masupil ang mga jueteng lords dahil tulad ni Bong Villafuerte ng Camarines Sur. Nakatuon kasi ang paningin ng mga pulis natin sa Camp Crame kung ano ang gagawin ni CIDG Dir. Edgardo Doronal laban sa pag-alipusta ni Bong Villafuerte sa mga opisyales ng PNP. Magda-dalawang buwan na itong si Doromal sa puwesto pero wala pa siyang ginawang hakbang ukol sa nagsulputang jueteng sa bansa. Ang ibig kung sabihin, bakit hindi nagsasagawa ng raid itong CIDG ni Doromal laban sa naglilipanang jueteng? May cash-unduan na kaya si Doromal at mga jueteng lords tulad ni Bong Villafuerte kaya’t pigil ang mga kamay na bakal niya? Bakit tahimik si Lingayen-Dagupan Arch. Oscar Cruz sa kakulangan ng CIDG laban sa jueteng? He-he-he! Kayo na mga suki ang maghusga dito kay Doromal!

Kaya naman pala hin-di makakilos itong si Doromal laban sa jueteng lords tulad ni Bong Villafuerte eh nakabukas din ang mga palad niya. Ang ibig kong sabihin mga suki, nakikinabang din si Doromal sa jueteng sa pamamagitan ng lingguhang intelihensiya. Ayon sa mga kausap ko, ang bagman ni Doromal ay ang isang Baby Marcelo na isang pulis. Di ba ito ring Baby Marcelo ang ginagamit ng Task Force ng CIDG sa smuggling diyan sa South Harbor? Aba, malakas pala talaga ang kapit nitong si Baby Marcelo at pinagkatiwalaan siya ng kanyang mga opis- yal, di ba Sr. Supt. Don Montenegro Sir?

Maganda sigurong magparating itong si Baby Marcelo, Bilang bagman kasi, kay Baby Marcelo dumadaan ang lahat ng pinagkakakitaan ni Doromal sa illegal, ‘Yan ang paliwanag sa atin ng mga pulis sa Manila Police District (MPD), he-he-he! ’Ika nga ni dating Pres Erap Estrada, tataaan din ng kidlat itong si Baby Marcelo. Kailan kaya?

Ang iba pang mga bagman ni Doromal, ayon sa mga kausap ko, ay sina Arnel Cruz sa National Capital Region (NCR) at alyas Spike sa CIDO. Ang handler nila ay si Col. Neris na nakatira naman sa fourth floor ng isang gusalil sa Pasay na malapit sa Miss Universe. Sa Central Luzon, ang gumagamit ng pangalan ni Doromal ay si Benny Calavis, si Alex sa Region I at sina Dennis at Jimmy naman sa Region 4 at 5. Huwag namang sabihin ni Doromal na hindi niya alam itong mga aktibidades ng mga nabang-git na mga bagman dahil gisang-gisa na ang pangalan niya sa kalye. Para malinis niya ang sarili niya sa jueteng, aba dapat ipaaresto ni Doromal itong mga gumagamit ng pa-ngalan niya at iprisinta sa media para maniwala sa kanya ang sambayanan, di ba mga suki?

Kaya naman natin binabanggit na si Doro- mal lang ang makaka- pag-neutralize sa jueteng lord na si Bong Villafuerte ay dahil siya mismo ang may karanasan sa kagaspangan nito. Para sa mga suki natin na hindi pa abot ang isyu, itong si Bong Villafuerte kasi ay iginigiit ang sarili na regional director o RD siya ng PRO5 sa Bicol at ang mga pulis ay ay under lang sa kanya. Si Doromal kasi ay napaugong na noon na uupo sa Bicol subalit ayaw niyang pa-under kay Bong Villafue- rte nga kaya’t na-itsa puwera siya. Kaya’t ayon sa mga kausap ko si Doromal lang ang may sapat na dahilan para buwagin itong jueteng ni Bong Villafuerte sa Bico. Kaya kayang tapatan ni Doromal ang mga Villafuerte?