Piyesta ni Senyor Santo Niño

Ang Dios Miingon
Pamalandong Matag Domingo
Enero 21, 2007: Ikatulong Domingo sa tuig ()
Mga Pagbasa: Neh. 8: 2-4a, 5:6,8-10/1Cor. 12:12-30/Lk.1: 1-4:14-21

Pagkadali lang gyud kaayo sa panahon. Masadya na pud ang Sugbo ning dakong kasaulogan sa kapistahan ni Senyor Santo Niño. Sa matag higayon nga mosaulog kita ning maong dakong pangilin kitang mga Sugbuanon ang gidapit sa pagpamalandong og paghimo og balik-lantaw kon ang atong mga kasaulogan og mga balansayon nagdala ba gyud og hingpit nga kagawasan gikan sa atong mga gisagubang karong mga kalisdanan og mga nalikoy nga pagsabot sa atong balansayon. Ang pangutana: "Paigo lang ba ang pagpunay og Misa og sa atong mga kamot mag-wara-wara sa higayon nga awiton nato ang Gozos?"





Tuig karon sa katilingbanong pagpakabana. Himoon pud unta nato ang pagsaulog sa piyesta Senyor ingon nga kahigayonan usab sa pagsud-ong sa mga nanghitabo sa atong palibut og ang pagpuyo sa tinud-anay gayud sa diwa sa pagkamapaubsanon alang sa kaalagaran sa uban. Dili paigo ang magbinuraska diha sa pagsaulog apan wala usab kini magpasabut og pagtinihik, sanglit dakong kasaulogan kini. Labaw na nga wala kini magpasabut og lingaw-lingaw lamang kay nahimong komersiyal na lamang kita diha sa atong pagsabot sa piyesta. Usa kini ka dakong hagit natong tanan nga mohimo kita og mga konkretong lakang og dili ang teoriya lamang sa pagtabang. Hinaut pa unta. Pit Senyor!

* * *

E-mail: [email protected]