EDITORYAL — Ang Honesty Teams sa PNP

Ang Philippine National Police (PNP) nimugna og ilang ginganlag "Honesty Teams" kang kansang obligasyon kun katungdanan mao ang pagpaniid niadtong mga badlongon nilang kauban sa puwersa.

Nagtuo ang kadagkuan sa PNP nga kining Honesty Teams makatabang gayud sa paglimpyo sa kapolisan pinaagi sa pagtaral ngadto sa PNP heirarchy niadtong mga badlongong polis nga masakpan ning maong Honesty Teams.

Uyon kami sa maong proyekto sa PNP. Apan naay pipila ka mga tigpaniid nga dili hugot ang pagsalig sa maong mga pundok. Andam ba kaha kuno mosikop ang Honesty Teams sa mga badlongong polis nga ilang higala?

"The idea is good," matud pa sa usa ka university professor. "I only hope that the so-called esprit de corps will not work here."

Mao sab kana ang among gilauman...nga dili mahitabo nga mosaler ang ispirito sa panaghigalaay.