Si Prez GMA na lamang ang dehins tumataas

MALAKING epekto sa noypi ang pagtaas ng krudo sa world market kaya naman marami ang umaangal na mga ordinaryong tao sa Pinas dahil nakaambang tumaas lahat ng basic needs pero ang kanilang suweldo ay dehins.

Nakaambang tumaas ang pasahe anumang oras mula ngayon sa dyip, taxi at maging sa bus dahil may mga petition silang dagdagan ang singil sa fare.

Sabi nga, taas dito, taas doon!

Hindi biro ang problemang ito oras na magtaasan ang pamadyak este mali pasehe pala siguradong may boomerang effect ito sa prices ng tsibog, tuition fee, tubig, kuryente, barko, eroplano echetera. Ika nga, lahat na!

Pero sinisiguro ng mga kuwago ng ORA MISMO, ang mga pick-up girls at GRO sa mga clubs lamang ang dehins magtataas ng singil sa kani-kanilang mga kliente. He-he-he!

Kaya nakakatakot ang panahon ngayon dahil dadami ang masasamang loob na mambibiktima ng mga pobreng alindahaw.

Sa gobyerno, alaws silang problema dahil tatakpan lang nila ang isyu para hindi gaanong masaktan ang madlang people sa epekto ng price hike!

Malaki ang hirit dagdag sa pamasahe hindi ito biro kaya ang mga ordinaryong tao ay makikita natin na maglalakad na lamang papunta sa kanilang pupuntahan kapag nagkataon.

Bisekleta na siguro, scooter at motorsiklo ang sagot sa price hike ng krudo?

Ano sa palagay ninyo mga tekamots?

Ang hindi napapansin ng mga noypi ay tumaas na rin ang presyo ng mga nasabing sasakyan.

Ika nga, nauna na silang umaksyon!

Paano kaya ang mga estudyante pagpasok ngayon pasukan?

Ang tuition nila?

Ang baon nila?

Ang pambili nila ng libro, medyas, uniform echetera?

Ano na sila ngayon? Bayan!

‘‘May maitutulong kaya ang gobyerno sa malaking delubyong papasok ngayon buwan?’’ tanong ng kuwagong manghuhuthot.

‘‘Meron,’’ sagot ng kuwagong mangingikil.

‘‘Ano?’’

‘‘Ang aprobahan ang taas ng singilan’’ sabi ng kuwagong SPO-10 sa Crame.

"Korek ka diyan kamote.’’