Pagbayad sa buhis pinaagi sa mga bangko

Alang nako, maayo ni suggestion nga ipaagi sa bangko ang pagbayad sa buhis. Sa ato pa, kalikayan na nato ang paghuot sa city hall sa higayon nga mag-renew kita sa mga business permit. Hinaut nga waa ni mga legal impediments.

Pareha sa PLDT pananglitan, di na kinahanglan nga muadto tas buhatan sa PLDT aron mobayad. Unya, gawas sa mga bangko, mahimo sang ipaagi sa LBC. Ug tungod kay bisag asa ang LBC, convenient kaayo alang sa mga bumabayad.

Sa akong bahin, dugay-dugay na gyud nga ipaagi nako sa LBC ang pagbayad. Waay hasul, dali pa kaayo. Sukad waa gyud ko kasuway nga maglinya.

Kon mao sad ni ang himoon sa city hall, makahatag kaayo nig dakung convenience sa mga taxpayers. Ug kon convenience sa mga taxpayers ang anaa sa hunahuna sa mayor ug sa konseho, nan, kining sugyot ni Rene Sanapo, city consultant on systems, maayo kaayo, ug angay hatagan og serious thought sa city government.

Kahibawo man ta nga hasul kaayo ang pag-transact og business sa city or with any government office for that matter.

Matud ni Sanapo, kon ipaagi na sa mga bangko ang pagbayad sa buhis diin makahatag kinig kasayon sa business community, di na kinahanglan pa mo-hire silag mga services sa gawas aron sa pag-facilitate sa mga paper work. Ug natural, makahatag kinig savings sa mga negosyante in terms of consultancy fees ug ubang mga bayranan pagpalihok sa mga papeles.

Niini usab nga paagi, kalikayan usab ang mga under-the-table-deals ug mga palusot, hinungdan sa pagdagsang sa mga fake nga business permit.

Akong usbon, advantageous kaayo ni on the side sa mga bumubuhis. Ug perhaps sa kabahin usab sa city hall tungod kay kaminosan ang ilang trabaho. What do you think, Dro?