Housing Loan Restructuring Program ng Pag-IBIG

MAGANDANG balita para sa mga may kakulangan sa pagbabayad ng housing loan sa Pag-IBIG. Sa pagnanais ng administrasyon na matulungan ang pamilyang Pilipino na magkaroon ng sariling tahanan binibigyan ng huling pagkakataon hanggang June 2004 ang mga nag-housing loan na may pagkukulang sa pagbayad na mag-apply ng loan restructuring.

Hindi kailangang ma-foreclose ang inyong lupa’t bahay kung kayo ay mag-avail ng loan restructuring para mapagaan ang inyong buwanang hulog o kaya’y mapatawad ang mga penalties na ipinataw sa inyong utang.

Sa pag-aaply ng Loan Restructuring, hindi kailangang maging miyembro ng anumang asosasyon. Ang Pag-IBIG Fund ay nagsisilbi sa mga indibidwal na miyembro kaya’t hindi ninyo kailangang sumali sa alinman grupo para mag-aply ng loan restructuring. Dalawang daang piso (P200.00) lamang ang processing fee. Mag-apply at magbayad ng direkta sa Pag-IBIG.

Para sa karagdagang impormasyon maaari kayong mag-apply ng personal o tumawag sa Suite 314,315 at 316, Third Floor Atrium Bldg., Makati Avenue, Makati City (telephone number 830-0298, 848, 8069, 848-8297, 848-8289); Pacific Center Bldg., San Miguel Ave., Pasig City (tel. 634-6920, 637-5632; North Sector (634-8410, 637-5613, 637-5614) o sa inyong Pag-IBIG Regional Office.

Sana ay gamitin ang pagkakataong ito upang maayos ang inyong mga housing loan.