Paano ko makukuha ang contributions sa Pag-IBIG ?

Dear Sec. Mike Defensor,

Ako ay miyembro ng Pag-IBIG mula 1981 hanggang July 2000. Sa kasalukuyan ay wala na ako sa dati kong pinapasukan. Nais ko sanang magkaroon ng puhunan para sa kaunting negosyo. Puwede ko bang i-withdraw ang contributions ko sa Pag-IBIG. Meron din akong loan sa Pag-IBIG at ang halaga ng aking hindi nabayaran ay P6,000. Puwede ba itong ibawas sa halagang makukuha ko? May interes ba ang naihulog ko sa Pag-IBIG? –Domingo F. Manliguez

Kung ikaw ay nag-resign, nag-retire o nagsara ang iyong kompanya maaari kang mag-claim ng iyong contributions. Ang balanse ng iyong loan sa Pag-IBIG ay agad na maibabawas sa iyong claims. Ang halaga ng iyong makukuha ay hindi lamang ang iyong personal na contributions kundi kasama rin ang employer’s counterpart at dividends.

Iminumungkahi ko na magsadya ka sa tanggapan ng Provident Benefits Claims Processing sa Ground Floor ng Atrium Bldg., Makati Avenue, Makati City o tumawag sa telephone numbers 811-4493/811-4277/811-4348 upang makuha mo ang detalye ng mga kailangang dokumento at proseso.