Sintomas ng cancer

Maaaring ang isang tao ay may cancer subalit hindi niya nalalaman. Ayon sa leading oncologist na si Dr. Princilla B. Caguiao na makailang beses naging guest doctor sa aming public service TV show na ‘‘MAHAL,’’ malalaman ang cancer sa pamamagitan ng mga sumusunod na sintomas. Ang pagbabago ng bowel and bladder habits, isang pasa na hindi nawawala at gumagaling, kakaibang panduguro at ‘‘discharge,’’ bukol sa suso at iba pang bahagi ng katawan, hindi matunawan, ang paghihirap sa paglulon, kakatwang pagbabago ng nunal at patuloy na pag-ubo at pamamalat.

Sinabi ni Dr. Caguiao na ang cancer ay hindi bunga ng pagkabunggo, pagbangga at pagtatamo ng mga galos sa katawan. Hindi aniya nakahahawa ang cancer. Unti-unti ang pagkalat nito at bunga na rin ng maraming kadahilanan gaya ng environment, heredity at lifestyle.