Problema sa pandinig (Ikalawa sa 4 na serye)

Ang kawalan ng pandinig ay walang pinipili. Wala itong discrimination as to sex, age, race and financial status. Ito ang pahayag ni Dr. Eduardo Go na nagpakadalubhasa sa America at Canada.

Ayon kay Dr. Go, hindi lang mga bata na may kapansanan sa pandinig ang pinaglilingkuran ng kanilang Hi-Tech Hearing Center kundi pati ang mga young adults at ang middle age adults. Sila iyong mga estudyante, mga bankers, mga computer experts, managers sa iba’t ibang kompanya at tanggapan at maging ang mga opisyal ng government and private organizations. Sila nga ang mga tinaguriang young productive people na dahil may problema sila sa pandinig kaya hindi sila makapag-communicate, makapag-socialize, dumalo sa importanteng seminars and meetings. Ang kanilang talino at kakayahang maging epektibong executives ay may balakid dahil sa kanilang suliranin.

Ayon kay Dr. Go ang suliraning taglay ng mga may kapansanang ito ay malulutas depende sa dahilan ng pagkabingi, gaano na katagal at ang medical history ng isang pasyente na una’y isasailalim sa isang tinatawag na hearing test na gamit ng modernong pasilidad ng Hi-Tech Hearing Center. Si Dr. Go ang ‘‘pioneer’’ o pasimuno sa Pilipinas sa pagpapakilala ng pinakamaliit na hearing aid. Kapag ginamit ang maliit na hearing aid hindi ito mapupuna dahil sa kaliitan at parang walang nakalagay sa taynga. ‘‘Now you see it, now you don’t,’’ natatawang sabi ni Dr. Go habang idini-demonstrate niya ang mga hearing instruments na may iba’t ibang laki at kulay. (Itutuloy)