Erap dalawang beses magpamasahe sa isang araw

Alam n’yo bang madalas magpamasahe ngayon si dating President Erap?

Ayon sa aking bubuwit, happy birthday muna kay Atty. Raul Ancheta, Alfredo Conti, Rex Quinto, Joanna Marie Labao, Faye Bugarin at Bro. Boy Tayao ng San Pedro, Laguna.

Binabati ko rin sina Dr. Greg Diaz ng Naga City; Dr. Sylvan Lorenzo ng Santiago City; Dr. Mike and Carol Corpus ng Cagayan de Oro City.

* * *

Alam n’yo bang madalas magpamasahe ngayon si dating President Erap?

Ayon sa aking bubuwit, dahil walang masyadong ginagawa ngayon si Erap sa kanilang bahay sa Polk St. Greenhills, San Juan, ang kanyang napaglilibangan ay ang magpamasahe.

Maniwala ba kayo na dalawang beses palang magpamasahe si Erap sa loob ng isang araw?

Pero, hindi naman ito araw-araw.

At maniwala ba kayo na kapag ito ay nagpapamasahe ay dala-dalawa pa ang kanyang attendant?

Hanep, ang sarap naman niyan, Sir!

Ayon sa aking bubuwit, ang mga masahistang nagseserbisyo kay Erap ay ang mga magagaling na massage attendant na galing kay Mr. Rolly A.

Si Mr. Rolly A ay isa sa mga matalik na kaibigan ni Erap. Pero sa lahat ng kanyang mga kaibigan, itong si Rolly A. ang hindi nagsamantala.

Kahit noong magipit ang kanyang negosyo dahil sa krisis, never siyang humingi ng pabor kay Erap noong ito pa ang nasa Malacañang. Hindi katulad ng ibang kaibigan ni Erap na tinulungan niya subalit nag-traidor sa kanya.

Bilib ako kay Mr. Rolly A. ng Maalikaya Health Club.

* * *

Ayon sa aking bubuwit, sa Maalikaya Health Club nanggagaling ang mga mahuhusay na masahista ni Erap.

Kaso nga lang, tila nasosobrahan na yata si Erap sa kamamasahe. Biro n’yo dala-dalawang masahista at dalawang beses pa sa loob ng isang araw?

Sabi nga ni Mr. Rolly A. kay Erap. ‘‘Boss, baka naman malamog na ang katawan mo niyan?’’

Alam n’yo ba ang sagot ni Erap?

"Okey lang, wala naman akong ginagawa eh.’’

Ayon sa aking bubuwit, ang mga kinukuhang masahista ni Erap ay ang mga nagkaka-edad ng daisy otso hanggang betty singko anyos. At kailangan ay mga morena, kutis ala Nora Aunor. Ano ba ex-President ang masahe ninyo, Shiatsu, combination o haplos-haplos?

At ano rin ang ginagamit ninyo, lotion ba o powder? Meron din bang body massage, all the way o sensation lang?