‘So be it’: Duterte ipinauubaya na kapalaran sa Diyos
MANILA, Philippines — Ipinapaubaya na lamang ni dating Pangulong Rodrigo Duterte sa Diyos ang kanyang kapalaran, isang linggo matapos siyang maaresto at mapiit sa The Hague, Netherlands.
Ito ang sinabi ni Vice President Sara Duterte sa kanyang mga tagasuporta ay ilang mamamahayag matapos niyang makausap kamakailan ang kanyang ama na nasa International Criminal Court (ICC).
Sinabi aniya ng dating Pangulo na bahala na ang Diyos sa kanyang kapalaran ngunit mas magiging “mas masahol pa” ang sitwasyon sa bansa dahil sa “fractured governance.”
“He just told me that the country will get worse and worse. Sabi niya, dahil clearly daw fractured ‘yung governance sa ating bansa and disgruntled ‘yung mga tao,” giit pa ng Bise Presidente.
Sabay sabi aniya ng kanyang ama na “so be it” at iniwan na sa Diyos ang kanyang kapalaran.
Naninindigan naman si VP Duterte na habang matibay ang kanyang paniniwala na kinidnap ang kanyang ama, ay wala silang magagawa kundi magpatuloy at sumunod sa mga legal na proseso ng ICC.
- Latest
