Blazers nakawala sa Stags sa overtime
MANILA, Philippines — Tinakasan ng College of St. Benilde ang San Sebastian College-Recoletos sa overtime, 96-94, sa NCAA Season 100 men’s basketball tournament kahapon sa Filoil EcoOil Centre sa San Juan City.
Iniskor ni Tony Ynot ang lima sa kanyang 23 points sa extra period para igiya ang Blazers sa 6-1 kartada at patuloy na solohin ang liderato.
May limang puntos si Jhomel Ancheta tampok ang krusyal na drive sa huling 3.3 segundo ng laro, habang nagtala si Allen Liwag ng 17 markers at 11 boards.
Sa kabila ng panalo sa Stags, laglag sa 2-6 marka, ay dismayado pa rin si coach Charles Tiu sa kanyang tropa.
“I don’t want to say anything because I’m mad. It’s an embarrassment, we gave up 31 turnovers, parang binibigay namin sa kanila ‘yung bola eh,” sabi ni Tiu.
Pinamunuan ni Raymar Ecobido ang Baste (2-6) sa kanyang 29 points.
Sa ikalawang laro, winakasan ng nagdedepensang San Beda Red Lions ang three-game winning streak ng Letran Knights mula sa 66-64 panalo.
- Latest
