Bugal-bugal sa NEDA ug DTI
Imbes sulbaron ang kalisod sa kinabag-an sa atong katawhan ug imbes mangita og mga paagi aron mahaw-as gikan sa pait nila nga kahimtang, ang National Economic and Development Auhtority (NEDA) ni-maniobra sa ila nga mga sukdanan sa kakabos:
• Si NEDA Secretary Arsenio Balisacan giila sa kalibotanong mga institusyon nga usa sa mga eksperto batok sa katimawa; pero ambot nahibawo ba sila nga
• Usa sa iyang kinaham nga taktika mao ang pag-imbento og mga numero pagpakita nga ang kakabos naa ra sa hunahuna sa katawhan pero sa tinuoray labihan nila kahamugaway.
* * *
Hangtod karon wala kapakita og mga detalye silang Balisacan ug kaubanan sa NEDA unsaon sa pagkabuhi sa kada sakop sa pamilya nga ?64 ra ang gasto sa pagkaon tibuok adlaw, o ?21.30 kada kaon kada adlaw. Nabisto nga kutob ra sa drowing sa papel sa bugnaw ug luho nilang mga opisina sinalikway ang aktuwal nga kahimtang sa katawhan.
Nakapait mao nga ang ilang pataka maoy gibasehan pag-umol sa mga programa sa gobyerno. Mao diay tingali nga nagkayamukat ang mga ayuda, kon duna man, para sa mga labing nagkinahanglan.
* * *
Imbes motabang pagkurihir sa sayop nga mga numero sa NEDA, ang Department of Trade Industry (DTI) nidason sa binuang pinaagi sa pagrekomendar sa mosunod nga inadlawng pagkaon (nga mohatag sa katawhan og grabeng mga sakit):
• Sardinas nga tag-?20 ang lata;
• Pandesal nga tag-?2 ang buok;
• Instant noodles nga 55 grams nga tag ?7.750 ang pakete;
• 3-in-1 coffee nga 18 grams nga tag-?4.10 ang sachet; ug
• Evaporated milk nga tag-?44 ang lata.
* * *
Dili ni unang higayon nga nagpaka-uwaw ang NEDA. Niadtong 2018, niinsistir sila nga ?10,000 ra kada buwan ang gikinahanglan sa pamilya nga may lima ka sakop nga naglakip sa:
• ?3,834 para sa binuwan nga sud-an. O ?8 kada kaon sa kada tawo. Kon basehan ang ilang rekomendasyon sa ibabaw igo ra para sa usa ka pakete sa instant noodles; ug
• ?959 para sa bugas humay. Makapalit og 30 ka kilo sa kinabaratohang bugas (kon maka-tsamba og tindahan nga tag-?32 ang kilo) kada buwan, o usa ka kilo kada adlaw para sa lima ka tawo, o pila ra ka hungit kada tawo.
- Latest
![](https://qa.philstar.com/images/stand-in-photo-male.jpg)