Online sellers na ‘tax evaders’ iba-block ng BIR
MANILA, Philippines — Nagbabala ang Bureau of Internel Revenue (BIR) sa mga online sellers at E-marketplaces na ipatitigil ang kanilang mga operasyon kung hindi magbabayad ng buwis ng partikular ngayong Kapaskuhan.
Ayon kay BIR Commissioner Romeo D. Lumagui, Jr., pinaigting ng ahensiya ang kampanya laban sa mga Online Marketplaces, E-Marketplaces at Online Sellers dahil ngayon ang panahon na marami ang namimili online at malakas ang kita ng mga online businesses.
Alinsunod sa Section 115 ng National Internal Revenue Code na inamyendahan sa ilalim ng RA No. 12023, binibigyan ng kapangyarihan ang Commissioner ng BIR na suspendihin ang mga operasyon ng negosyo kasama ang pag-block sa digital services at mga digital service provider sa Pilipinas na hindi nagbabayad ng tamang buwis sa pamahalaan.
Aniya, oras na mapatunayan ng BIR na lumabag sa batas sa pagbubuwis ang naturang mga negosyo, agad nila itong iba-block katulad ng ginagawa ng Oplan Kandado program sa mga physical stores.
Paliwanag ni Lumagui, nagbabayad ng buwis ang mga may tindahan o sari-sari store kaya dapat lamang na gawin din ito ng mga nagnenegosyo online.
Umaasa ang BIR na tataas ang kanilang revenue sa mga susunod na buwan mula sa mga online business lalo na at maraming ngayon ang mas pabor sa pamimili sa online.
“To all consumers, ask online sellers/businesses for an official receipt. If you are spending your hard-earned income after paying taxes on their products, then online sellers/businesses should also pay their taxes,”ani Lumagui.
- Latest
