Maynila, “all system go” na sa Undas “

MANILA, Philippines — All systems go na sa All Saints’ Day at All Souls’ Day sa mga  public cemetery sa  Maynila.”

Ito naman ang sinabi ni  Manila Mayor Francisco “Isko Moreno” Domagoso sa lahat ng mga frontline departments ng city government upang masiguro na maipatutupad at maibibigay ang mga pa­ngangailangan sa Manila North, Manila South, at Islamic Cemeteries ngayong “Undas.”

Sa isinagawang city government’s directional meeting kahapon, sinabi ni  Domagoso na ngayon pa lamang ay dapat nang pumuwesto ang mga  tauhan ng  city hall bunsod na rin ng inaasahang  dagsa ng mga nais nang dumalaw sa puntod ng kanilang mga mahal sa buhay.

Paalala ng alkalde, ipinagbabawal ang pagtitinda sa loob ng sementeryo at tanging ang mga awto­risadong vendor lamang  na may itinalagang  puwesto ang papayagang makapagtinda.

Pinaalerto rin ni  Domagoso ang Manila Department of Social Welfare (MDSW) upang  gabayan ang mga magulang at guardian sakaling  mawala ang kanilang mga anak gayundin ang paglalaan ng  command posts para sa mga senior citizens at  PWDs.

Inutos din ng alkalde ang round-the-clock coordination sa Manila Police District (MPD), Department of Public Services (DPS), at Manila Traffic and Parking Bureau (MTPB) upang matiyak ang kaligtasan ng publiko, kalinisan at daloy ng  trapiko.