DA, pinag-aaralan MSRP sa presyo ng baboy

MANILA, Philippines — Pinag-aaralan na ng Department of Agriculture ang paglalagay ng maximum suggested retail price (MSRP) sa presyo ng baboy.

Ayon kay Agriculture Undersecretary Arnel de Mesa, kasalukuyan silang nagpupulong at pinag-aaralan ang itatakdang MSRP.

Iaanunsiyo ang MSRP sa sandaling matapos ang pag-aaral ng DA.

Batay sa pinakahuling datos mula sa ahensya, naglalaro sa P420 hanggang P480 ang presyo ng baboy kada kilo.

Samantala, over supply ng itlog sa bansa dahil sa rami ng inahing manok.

Ani De Mesa, hanggang Marso ay karaniwang nagkakaroon ng oversupply ng itlog kaya nagkakatay ng inahing manok para makontrol ang populasyon nito.

Sinabi naman ni Agriculture Secretary Franscisco Tiu Laurel na walang ‘unnessesary culling’ sa inahin manok na dahilan para bumagsak ang supply ng itlog at tumaas ang presyo nito.