Dumadaang kapitbahay nabagsakan: Magtiya hulog sa rooftop: 2 patay
MANILA, Philippines - Patay ang isang 30-anyos na babae habang nasa kritikal na kondisyon ang inaalagaan nitong isang taong gulang na beybi matapos mahulog mula sa rooftop ng tinitirhan nilang bahay sa Valenzuela City, kahapon ng hapon.
Nadamay at namatay din ang kapitbahay nilang lolo matapos na matiyempuhan itong mabagsakan ng magtiya.
Dead-on-arrival sa Lorenzo Hospital sanhi ng pinsala sa ulo at katawan ang biktimang si Rachell Naval, at ang nabagsakang kapitbahay na si Renato Alcantara, 63 , kapwa residente sa Desina St., Brgy. Arkong Bato ng naturang lungsod.
Inoobserbahan at nilalapatan naman ng lunas sa Dalandanan Hospital ang beybi na si Dennis Cabrera.
Lumalabas sa pagsisiyasat ng Valenzuela City Police, naganap ang insidente dakong ala-1:00 ng hapon habang karga ni Naval ang pamangkin si Cabrera mula sa rooftop ng ikalawang palapag ng tinitirhan nilang gusali.
Sa unang report, sinasabing nawalan ng balanse si Naval habang karga nito ang pamangkin at nagdire-diretso pababa kung saan nabagsakan pa ng mga ito si Alcantara.
Gayunman, tinitingnan din ng pulisya kung sadyang tumalon si Naval kasama ang kanyang pamangkin.
Dinala ang mga biktima sa ospital ng mga kapitÂbahay kung saan hindi na nailigtas pa si Naval at Alcantara.
Patuloy pa rin ang isinasagawang imbestigasyon ng pulisya sa insidente at inaalam kung may naganap na foul play dito.
- Latest
