Padayon ang pagpamaligya

Samtang nalinga kita sa pagsige og sunod sa impeachment trial batok kang Bise Presidente Sara Duterte ug samtang ang uban kanato naglangoylangoy ug naanod sa lunop ug baha, ang administrasyon diay ni Presidente Bongbong Marcos Jr. nagkalingaw usab diay og pagpamaligya sa mga assets sa gobIyerno. Ang pinakauwahi nga assets nga gibaligya mao ang Atrium of Makati nga nahalin sa kantidad nga usa ka bilyon ka pesos.

Ang Department of Finance mibaligya sa 24 ka mga condominium units nga nahimotang sa ikalima nga andana sa Atrium of Makati ingon man ang parking space niini ngadto sa Sanpiro Realty Development Corporation aron makatigum og dugang pundo ang gobiyerno. Ang pagbaligya natigayon niadtong Hulyo 16 niining tuiga.

Ang pagbaligya sa Atrium of Makati kabahin kini sa ambisyon sa Marcos administrasyon nga makatigum og usa ka gatos ka bilyon ka pesos aron gastoon sa iyang mga proyekto nga pang inprastraktora nga dili na mangolekta og buhis sa katawhan.

Kulang pa diay ang halin sa ubang assets sa gobyerno nga una nang gipamaligya ni Presidente Bongbong Marcos Jr.?

Kun matigum ang usa ka gatos ka bilyon ka pesos, mapunta ug madapat gyod kaha sa proyekto ang tibook kantidad? Dili kaha kini mapariha sa usa ka gatos ka bilyon ka pesos nga gisalut sa 2025 national budget nga igo rang gibahinbahin ug gisulod sa maleta ug gipanghatod ngadto sa mga tag-as nga opisyal sa gobiyerno apil na sila si Presidente Bongbong Marcos Jr. ug kanhi House Speaker Martin Romualdez.

Ayaw mo palipat sa administrasyong lipatllipat.

Nalipat na ta. Wala ta makabantay nga daghan nang assets sa gobiyerno ang gipamaligya kay gilingla ta sa salida sa impeachment ug gipalangoy sa lunop ug baha.