Eala reresbak kay Parks sa Toronto
MANILA, Philippines — Resbak ang magiging mantra ni Alex Eala sa kanyang mga susunod na laban sa WTA 1000 National Bank Open na ginaganap sa Sobeys Stadium Centre Court sa Toronto.
Nasa Toronto na si Eala matapos ang matamis na kampeonato sa Mubadala DC Open sa Washington, DC kaya’t wala itong pahinga.
Masuwerte at nabiyayaan ang No. 25 seed na si Eala ng opening round bye kung saan haharapin nito sa second round si Alycia Parks ng Amerika sa alas- 8 ng umaga (oras sa Maynila).
Nakapasok si Parks sa second round matapos magtala ng 6-4 tagumpay kay Victoria Jiménez Kasintseva sa kanilang first-round match.
Pakay ni Eala na maresbakan si Parks na tumalo sa kanya sa opening round ng Australian Open, 6-0, 3-6, 2-6, noong Enero.
Malaki na ang itinaas ng laro ni Eala na sariwa pa sa matamis na kampeonato sa Mubadala DC Open.
Aminado si Eala na nasa alapaap pa ito matapos makamit ang kanyang kauna-unahang WTA Tour title.
Subalit kailangan na agad nitong magmove on upang pagtuunan ng pansin ang kanyang susunod na laban.
“I do understand that I’m playing another match tomorrow, so all my attention is going to be on that. You know, I’m slowly transitioning. I have a day to transition and I have I guess all my life to celebrate my first WTA title,” ani Eala.
Excited na si Eala na maglaro sa harap ng mga kababayan nito sa Toronto.
Ayon sa mga organizers, soldout ang tiket sa laban nina Eala at Parks.
“I’ve been told that it’s going to be a full house tomorrow. So, I’m really very excited to see and it’s nice to see that the Filipino community is really showing up and they’re enjoying tennis,” ani Eala.
Kung papasok si Eala sa third round, posible nitong makaharap si reigning Wimbledon champion at world No. 7 Linda Noskova ng Czech Republic.
Si Noskova ang tumalo kay Eala sa Round of 16 sa Indian Wells sa Amerika at sa semis ng Berlin Open sa Germany.
Makakalaban ni Noskova sa second round si Caty McNally.
- Latest
