Kinsa ang pamation

Gisugdan na gyod ang bista sa impeachnent  ni Bise Presidente Sara Duterte kagahapong adlawa. Sa wala pa ang bista, gipangandaman na sa prosecution, depensa, ug Senado ang ilang mga gimbuhaton.

Una, gipabinditahan sa pari ang Senado samtang nianang pagka Domingo mitambong sa santos nga misa ang mga sakop sa prosecution nga gihulagway ni Father David nga mga tinuod nga alagad ug tingog sa diyos. Samtang si Bise Presidente Sara Duterte misimba ug nanagkot. Kinsa kaha nila ang dunggon sa Ginoo?

* * *

Wala makatandog sa Ombudsman ang lihok protesta nga gipasiugdahan sa mga sakop sa Iglesia Ni Cristo. Gipasakaan gyod og kasong plunder sa Ombudsman ngadto sa Sandiganbayan si Senador Rodante Marcoleta tungod sa nadawat niini nga 75 milyones ka pesos gikan sa iyang mga dumadapig dihang nagpapili kini pagka Senador.

Girason sa Ombudsman sa pagpasaka og kasong plunder ni Marcoleta mao ang depensa niini ngadto sa imbestigasyon sa Comelec nga ang iyang nadawat nga P75 milyones dili kini campaign contribution kun dili personal funds kay nadawat niya kini dihang dili pa siya kandidato.

Ang Ombudsman miingon nga kay personal funds, illgotten wealth kini nga nadawat ni Marcoleta isip gasa tungod sa iyang pagka opisyal sa gobyerno busa Plunder.

Sa Pilipinas kun modawat ka og donasyon nga milapas sa 50 milyones ka pesos plunder pero kun nangawat ka og binilyon okey ra. Ambot laaaaannng.