Bakit malaki ang tiyan kahit hindi mataba?
MARAMING posibleng dahilan kung bakit lumalaki o nakausli ang tiyan. Narito ang ilan sa mga karaniwang sanhi:
1. Pagkakaroon ng taba sa tiyan (belly fat) – Dulot ng sobrang pagkain, kakulangan sa ehersisyo, o mabagal na metabolismo.
2, Pagkabag o bloating – Maaaring sanhi ng pagkain ng maraming maalat na pagkain, softdrinks, o mga pagkaing nagdudulot ng gas.
3. Hindi maayos na pagtunaw ng pagkain – Ang constipation o mabagal na pagdumi ay maaaring magpalaki ng tiyan.
4. Mahinang kalamnan ng tiyan – Kapag kulang sa ehersisyo, maaaring lumawlaw ang mga kalamnan sa tiyan kaya mas mukhang malaki ito.
5. Hormonal changes – Lalo na sa kababaihan, maaaring lumaki ang tiyan dahil sa regla, menopause, o hormonal imbalance.
6. Pagbubuntis – Isa sa mga natural na dahilan ng paglaki ng tiyan sa kababaihan.
7. Mga kondisyon sa kalusugan – Tulad ng:
- Irritable Bowel Syndrome (IBS)
- Polycystic Ovary Syndrome (PCOS)
- Sakit sa atay o pagkakaroon ng fluid sa tiyan
- Mga bukol o cyst sa tiyan o obaryo
Kung biglaan ang paglaki ng tiyan, may kasamang pananakit, hirap huminga, pagsusuka, o hindi maipaliwanag na pagdagdag ng laki nito, mabuting magpatingin sa doktor para sa tamang pagsusuri.
- Latest
