Philippines Open magiging qualifier para sa Asian Games
MANILA, Philippines — Ang ICTSI Philippine Athletic Championships na inihahandog ng Philippine Sports Commission ay magsisilbing qualifying event para sa 20th Asian Games sa Aichi-Nagoya, Japan.
Ito ay dahil na rin sa pagiging world-class standard ng New Clark Athletics Stadium sa Capas, Tarlac na pagdarausan ng athletics championships na naka-iskedyul sa Hunyo 10 hanggang 14.
Nakatakdang sumabak ang Team Philippines sa Asian Games sa Setyembre 19 hanggang Oktubre 4.
Inaasahang aabot sa 1,000 atleta kasama ang mga pambato ng walong foreign countries ang sasabak sa Philippine Athletic Championships, ayon kay Philippine Athletics Track and Field Association (PATAFA) president Terry Capistrano.
“Gathering our nation’s finest athletes alongside international contenders at a world-class venue like New Clark City raises the competitive bar for everyone,” ani Capistrano.
Nagkumpirma na ng kanilang paglahok sa premier trackfest na tinatawag na National Open ang Chinese-Taipei, Canada, Indonesia, Malaysia, Papua New Guinea, Singapore, Samoa at US.
“The PSC is fully behind the PATAFA and the ICTSI Philippine Athletics Championship. We are also deeply grateful to BCDA President Joshua ‘Jake’ Bingcang for ensuring these world-class facilities are ready for our athletes,” ani PSC chairman Patrick Gregorio.
Kabuuang 870 atleta, kabilang ang mga miyembro ng national pool, ang ilalaban ng PATAFA.
Babanderahan nina 33rd Thailand SEAG double silver medalist Yacine Guermali, pole vault bronze medalist Elijah Cole at women’s 200-meter bronze medalist Zion Corrales Nelson ang Team Philippines.
Bibida sina Olympic Games veterans Kristina Knott at Lauren Hoffman ang mga overseas-based Filipino athletes na makikipag-agawan sa gold at sa tiket sa Asiad.
- Latest
