Suns pinalubog ng Timberwolves
MINNEAPOLIS — Nagbagsak si Julius Randle ng 25 points at may 20 markers si Anthony Edwards para ihatid ang Minnesota Timberwolves sa 124-109 pagpapalamig sa Phoenix Suns.
Kinumpleto ng Timberwolves (42-32) ang isang four-game season sweep sa Suns (35-39) sa regular season.
Natamaan ni Phoenix forward Kevin Durant ang mukha ni Edwards nang subukang agawin ng Minnesota star ang bola sa 2:43 minuto sa first quarter.
Dinala si Edwards sa Timberwolves locker room bago bumalik sa second half.
Umiskor si Durant ng team-best 23 points para sa Suns.
Sa New Orleans, naglista si Stephen Curry ng 23 points kasama ang limang tres sa 111-95 panalo ng Golden State Warriors (42-31) sa Pelicans (20-54).
Sa Detroit, bumira si Tim Hardaway Jr. ng season-high 32 points sa 133-122 pagdaig ng Pistons (42-32) sa Eastern Conference-leading Cleveland Cavaliers (59-15).
Sa New York, nagtala si Kawhi Leonard ng 31 points sa 132-100 dominasyon ng Los Angeles Clippers (42-31) sa Brooklyn Nets (23-51).
Sa Salt Lake City, nagkadena si Nikola Jokic ng 27 points at 14 rebounds sa 129-93 paggiba ng Denver Nuggets (47-28) sa Utah Jazz (16-59).
Sa Milwaukee, nagsalpak si OG Anunoby ng 31 points sa 116-107 panalo ng New York Knicks (46-27) sa Bucks (40-33)
- Latest
