Nadisgrasya atol sa trabaho

Dear Atty. Divine,

Nadisgrasya ko sa motor atol sa akong trabaho kay usa man ako ka collector sa among kompaniya. Hangtud karon wa pa gyud ko makabalik og trabaho og nag crutches lang gihapon ko kay akong fracture sa left leg man. Makapangayo ba ko og ayuda sa among kompaniya? Daghang salamat. —Nestor

Dear Nestor,

Mamahimo ka nga mangayo og tabang sa inyong kompaniya tungod kay nadisgrasya man ka atol sa imong pagtrabaho. Kun ikaw regular nga trabahante mamahimo sab ka nga mo avail sa Disability Benefit sa SSS tungod sa imong sitwasyon karon nga naglisud ka na sa paglakaw human madisgrasya sa trabaho. Ang SSS mohatag og pension o lump sum sa mga empleyado nga na-disable uug dili pa makatrabaho sama sa nahitabo kanimo. Lain nimong option mao ang pagdangop usab sa Department of Labor and Employment, duna man kitay gitawag og Employees’ Compensation program. Ang imong employer obligado nga motabang kanimo aron maka avail ka sa maong mga benepisyo. Mas maayo imong tawgan ang SSS ug ang Dole aron sa pag inquire kun unsaon sa pag-avail sa maong mga benepisyo. Thank you and God Bless. —Atty. Divine

Alang sa inyong pangutana, palihug sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.