^

Dr. Love

Itinakwil ng mga magulang

-
Dear Dr. Love,

Isang masayang pagbati ang ipinaaabot ko sa iyo at sa milyun-milyon mong tagasubaybay. Isa ako sa mga tagasubaybay ng iyong kolum. Tawagin mo na lang akong Lindsy, isang college dropout. Sa ngayo’y magtatatlo na ang aking mga anak sa iba-ibang lalaki.

Malaki ang aking kasalanan sa aking mga parents na napakahigpit. Lagi akong kinagagalitan kaya ako’y napabarkada at tuluyang naligaw ng landas.

Sa unang pagbubuntis ko, nagalit ang aking ama at ina pero pinatawad din nila ako after a while. Sa ikalawa’y ganoon din. Inisip ko na walang magulang na makatitiis sa anak. Ang dalawang anak ko’y mga magulang ko ang nagtataguyod. Sila ang bumibili ng kanilang pangangailangan at nakita kong mahal nila ang mga anak ko.

Pero sa ikatlo kong pagdadalantao, tuluyan na akong pinalayas ng aking mga magulang. Nang puntahan ko ang boyfriend ko na ama ng dinadala ko, ayaw naman niyang kilalanin ito. Tatlong buwan na akong nakikitira sa best friend ko. Pero pinaaalis na rin ako ng kanyang mga magulang. Ano ang gagawin ko?

Lindsy


Dear Lindsy,


Ako man ang nasa katayuan ng iyong mga magulang ay malamang itakwil din kita. Ano ka, gawa ka nang gawa ng bata sa iba’t ibang lalaki tapos ipapasa mo sa kanila ang responsibilidad?

Nakakakulo ka ng dugo dahil binibigyan mo ng batik ang malinis na pangalan ng iyong pamilya.

Sikapin mong magbago. Humingi ka ng tawad sa mga magulang mo at mangakong itutuwid mo na ang iyong landas. Ewan ko kung agad nilang ibibigay ang kapatawaran pero palagay ko’y hindi ka nila matitiis.

Huwag mong babuyin ang sarili mo dahil mawawala ang iyong mga magulang balang-araw. Wala nang lilingap sa iyo. Matuto kang magkaroon ng tamang desposisyon at magtrabaho ka nang marangal para sa kinabukasan mo at ng iyong mga anak.

Dr. Love

vuukle comment

ANO

DEAR LINDSY

DR. LOVE

EWAN

HUMINGI

HUWAG

LINDSY

MAGULANG

PERO

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with