Truck vs van: Trader utas, 5 malubha

QUEZON, Philippines – Kamatayan ang sumalubong sa 47-anyos na trader habang lima naman ang malubhang nasugatan makaraang bumangga ang pampasaherong van sa kasalubong na trak sa kahabaan ng Quirino Highway sa Barangay San Vicente, bayan ng Tagkawayan, Quezon kamakalawa ng madaling araw. Kinilala ang namatay na si Gil Turlamay ng Marikina City habang ginagamot naman sa Tagkawayan District Hospital sina Melody IIglesias, 37, ng Pasig City; Rosemarie Cangas,33; Shaina Abello, 24, ng Malabon; Ryan de Ocampo, 26, ng Muntinlupa City; at ang driver ng van na si Marcelle Vito. Ayon sa pulisya, patungong Metro Manila ang mga biktimang lulan ng van (YY-7957) nang mawalan ng control sa manibela ang driver kaya bumangga sa kasalubong na delivery truck ni Briccio Chavez na putungo naman sa Bicol.