Magno pasok sa quarters sa women’s boxing meet

MANILA, Philippines – Isinantabi ni Irish Mag­no ang pagkakaro­on ng sipon upang  bigyan ng unang panalo ang bansa sa ASBC Asian Confederation Wo­men’s Continental Cham­pionships sa Wu­lan­chabu, China.

Ang 24-anyos na si Mag­no ay nakitaan ng bilis at gulang sa laban pa­ra kunin ang panalo laban sa AIBA Women’s Youth World Champion na si Lin Yu Ting sa Chinese-Taipei sa flyweight division.

Isa si Magno sa si­na­­­­sa­bing magiging palaban sa gin­­­to sa kan­yang dibis­yon ma­tapos magwagi ng pi­lak sa SEA Games sa Singapore.

“Our new hope in the flyweight class Irish Mag­no  was more confident in the bout than her opponent from Chinese Taipei,” wika ni ABAP exe­cutive director Ed Pic­son.

Umabante na si Magno sa quarterfinals at isang panalo pa ang mag­titiyak na sa kanya ng bronze medal.

Apat ang lady boxers na ipinadala ng ABAP na pinamumunuan ni Ricky Vargas at lahat ay may magandang tsansa na makakapag-uwi ng ka­rangalan tulad ng gi­na­wa sa SEAG.

Si dating world cham­­pion at SEAG gold medalist Josie Ga­buco, SEAG silver medalist sa bantamweight  na si Nesthy Petecio at SEAG bronze meda­list sa featherweight na si Rica Pasuit ang kukum­pleto sa delegasyon na kung saan sina Roel Ve­lasco at Mitchel Martinez ang mga coaches.

Umabot sa 16 bansa na binubuo ng 96 bo­xers ang maglalaban-laban hanggang sa Agosto 15.