Dili gusting bahinan ang anak

Dear Atty. Divine,

Ang akong ex-husband namatay ug duna mi usa ka anak nga didto  kaniya nagdako.

Nagbuwag mi sud na sa 20 ka tuig ug iyang gidala ang among anak ngadto sa ilang probinsya ug wa na kini niya gipakita nako sud sa 20 ka tuig.

Wa ma annul ang among marriage apan aduna mi napalit nga house and lot  before mi nagbuwag.

Tungod kay aduna nay laing pamilya ang akong kanhi bana, so, ako ang nagpuyo sa maong house and lot kay ako ra man sab nga kinitaan isip OFW ang gipalit niini. Karon nga namatay na ang akong bana, mamahimo ba nga di nako  bahinan ang akong anak sa maong house and lot?

Daghang salamat.

Gloria

* * *

Dear Gloria,

Bisan pa kun imo rang kinitaan ang gigamit sa pag acquire sa inyong house and lot, ma-consider gihapon kining conjugal property busa gipanag-iya kini nimo ug sa imong bana.

Ug  karon nga namatay na ang imong bana, ang inyong anak isip compulsory heir entitled gyud og share  sa maong house and lot ug dili mamahimong hikawan sa iyang share.

Thank you and God Bless.

Atty. Divine

* * *

Alang sa inyong pangutana, palihug lang sa pag email sa flores [email protected]  og akong tubagon ang inyong pangutana pinaagi sa akong column matag Miyerkules,Sabado og Domingo.