PANOORIN: Bulkang Mayon nagbuga ng abo hanggang 1.6 km

MANILA, Philippines — Muling nagbuga ng lava at abo ang Mayon Volcano nitong Martes, Nobyembre 3, kasabay ng naitalang mahinang ashfall sa ilang bahagi ng Albay.

Ayon sa Philippine Institute of Volcanology and Seismology (Phivolcs), nakapagtala ang bulkan ng strombolian eruption dakong 8:22 a.m.

Umabot hanggang 1,600 metro mula sa summit crater ang ibinugang abo, na inanod patimog-kanluran.

Naitala rin ang mahinang ashfall sa ilang bahagi ng Albay.

Bago nito, nakapagtala rin ang Phivolcs ng strombolian eruption sa summit crater dakong 1:15 a.m. noong Nobyembre 2.

Kasunod ito ng moderate explosive eruption na naitala noong Biyernes.