Gustong motukod og balay sa inherited property

Dear Atty. Divine,

Ang akong papa nagplanong motukod og balay sa yuta nga ilang na-inherit. Tulo sila ka magsuon ug ang maong yuta wala pa nila ma-subdivide. Wala pa makasugod og construct ang akong papa, apan ang usa nako ka igsuon mitambag sa dili una pag-develop sa maong yuta samtang wala pa nila hingpit nga mabahin-bahin ang maong inherited property. Ang akong pangutana kun mamahimo ba nga mopadayon si papa og tukod og balay sa maong yuta bisan kon wa pa kini ma subdivide? Daghang salamat. — Lina

Dear Lina,

Basi sa atong balaod, ang property nga kabilin sa mga ginikanan mapanag-iya sa mga heirs in equal share. Kun wa pa ma subdivide ang yuta, ang tanang heirs niini, magsilbi nga mga co-owners. Ug common na kini nga problema sa mga heirs nga dili magkasinabot sa pagbahin-bahin sa property hinungdan nga motumaw ang kasamok. Busa aron pagseguro nga way masugatan nga problema ang imong papa sa umaabot, mas maayo nga iyang sabuton ang iyang mga igsuon nga ilang i-subdivide ang maong property. Once maklaro na sa imong papa kun asa ang portion sa iyang share sa maong property, then that’s the time nga iya nang sugdan sa pagtukod ang iyang balay. Thank you and God bless. —Atty. Divine

* * *

Alang sa inyong pangutana, palihug lang sa pag- email  sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.