Mamahimo bang ipa late og register akong Papa?

Dear Atty. Divine,

Ang akong igsuon naminyo sa gawas sa nasud og gusto niyang paadtuon ang akong mama ug papa aron makabisita sa ilang apo. Apan sa dihang nangandam na unta kami aron aplayan sila og passport, among nasuta nga wala may records sa Philippine Statistics Authority (PSA) ang among amahan. Ang akong pangutana kun mamahimo ba nga among ipa late og register ang among papa aron aduna siya’y birth certificate? Daghang salamat.

Lita

* * *

Dear Lita,

Yes, mamahimo nga mo apply og late registration ang imong papa sa Local Civil Registrar diin siya natawo. Apan sa dili pa kana niya buhaton, mosuway una siya sa pagkuha og birth certificate sa Local Civil Registrar diin siya natawo, to make sure nga wa gyud siya’y records ngadto. Human niini, mo apply siya for late registration sa iyang birth. Naay forms nga dapat  i fill-up sa imong papa ug naa say mga list of requirements nga dapat niyang i-comply lakip na ang Certification from the PSA nga wa siyay records ngadto. Human niini, iyang i-submit sa Local Civil Registrar ang application for late registration form lakip na ang mga supporting documents aron ma-process kini. Ang Local Civil Registrar na ang mo-forward sa iyang records ngadto sa PSA- Manila apan mamahimo niyang hangyuon ang Local Civil Registrar nga ipa early endorse ang iyang Birth Certificate sa PSA-Manila aron after 2 months or 3 months makakuha na siya og PSA copy. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.