Sec. Frasco out na sa DOT

MANILA, Philippines — Itinalaga ni Pangulong Ferdinand R. Marcos Jr. si Secretary Christina Garcia Frasco bilang Presidential Adviser for Sustainable and Resilient Communities.

Si Frasco na kalihim ng Department of Tourism (DOT) ay pansamantalang papalitan ni Undersecretary Verna Buensuceso bilang officer in charge ng ahensiya.

Pinasalamatan naman ng Pangulo si Frasco sa naging serbisyo niya sa DOT at nagpahayag ng tiwala na ang kanyang pakikipagtulungan sa mga lokal na pamahalaan at komunidad ay makakatulong sa pagpapatupad ng mga prayoridad ng administasyon.

Inatasan din ng Pangulo si Frasco na gampanan ang bagong tungkuiln para higit pang mapalakas ang pagpapatupad at tuluy-tuloy na pagsubaybay sa mga prayoridad na pambansang programa sa antas ng mga komunidad.

Nauna nang sinabi ni Palace Press officer Atty. Claire Castro na pinagkakatiwalaan pa rin ni Marcos si Frasco.