38 lugar nasa ‘danger level’ - PAGASA
MANILA, Philippines — Mula sa 30 lugar nitong Miyerkules, umaabot na sa 38 lugar kahapon ang nagtala ng init 42°C hanggang 47°C heat index.
Ito ay batay sa forecast ng PAGASA kung saan ang Sangley Point sa Cavite ang nakapagtala ng pinakamataas na heat index na umaabot sa 47°C at sa Dagupan City, Pangasinan na 46°C habang ang Metro Manila ay 45°C heat index.
Sa 38 lugar, lima dito ang nakaranas ng 45°C; 3 ang 44°C; 43°c sa 9 na lugar; 12 lugar ang nagtala ng 42°C.
Samantala ang pinaka malamig na lugar sa Pilipinas na dati ay nagtatala ng 11-14°C ay nagrehistro ng 28°C sa Baguio City at BSU La Trinidad sa Benguet.
Ayon sa PAGASA, itinuturing na danger level ang 42°C-51°C na heat index na posibleng makaranas ng heat cramps at heat exhaustion o heat stroke ang isang tao kung patuloy ang pagkaka-expose nito sa init ng araw.
Patuloy na inirerekomenda ng PAGASA ang limitadong outdoor activities; uminom ng maraming tubig; at magsuot ng preskong damit upang maibsan ang epekto ng matinding tag-init ng panahon.
- Latest