Pangulong Marcos, Qatar Amir pumirma sa 9 kasunduan
MANILA, Philippines — Lumagda sa siyam na kasunduan sina Pangulong Ferdinand Marcos Jr. at Amir of Qatar Sheikh Tamim bin Hamad Al Thani sa Malakanyang.
Kabilang dito ang Memorandum of Understanding (MOU) sa pagitan ng gobyerno ng Pilipinas at Qatar para mapalakas ang ugnayan at bilateral cooperation sa paglaban sa human trafficking.
Napagkasunduan ng dalawang bansa na magkasamang labanan ang human trafficking sa pamamagitan ng advance labor protection, pagpapalitan ng kadalubhasaan pagdating sa legislation at exchange of studies at research para magbigay ng public awareness tungkol sa naturang isyu.
NIlagdaan din ang MOU sa mutual recognition of seafarers certificate para maipatupad ang probisyon na itinakda ng International Convention on Standards of Training, Certification and Watchkeeping for Seafarers (STCW Convention) of 1978.
Nilagdaan din ang cooperation at komunikasyon sa pagitan ng sports federation at magtakda ng program of cooperation pagdating sa pampalakasan o sports, tourism at business events na base sa mutual benefits na naayon pa rin sa rules and regulation na applicable sa Pilipinas at Qatar.
Si Sheik Tamim ay nasa bansa para sa dalawang araw na state visit matapos na imbitahan ni Pangulong Marcos.
- Latest
