China walang ’K’ magbabala sa Pinas – DND
MANILA, Philippines — Walang business o anumang karapatan ang China na magbabala sa Pilipinas sa anumang ginagawa nito sa sariling teritoryo.
Ito ang iginiit ng Department of National Defense (DND) matapos na magkomento ang China sa pagbisita nina Defense Secretary Gilberto “Gibo” Teodoro Jr., AFP Chief Gen. Romeo Brawner Jr. at iba pang mga opisyal sa Batanes.
“The Defense Department stresses that Batanes is Philippine territory and China has no business warning the Philippines about what it does within its territory”, pahayag ni Defense Spokesman Arsenio Andolong.
Sinabi ni Andolong na ang mga wala sa lugar na mga pahayag ng China ang dahilan kung bakit mahina ang kredibilidad ng mga Chinese sa paningin at pananaw ng mga Pinoy.
“China should refrain from engaging in provocative rhetoric and activities if it truly wants to earn the widespread trust and respect that it is trying so hard to gain but has, so far, been unable to,” ani Andolong.
Dahil dito, binalaan ng DND ang China laban sa pag-iisyu ng mga “provocative rhetoric’ o mapaghamong mga paghayag hinggil sa mga ginagawa ng AFP na dagdagan at palakasin ang presensiya sa Batanes , ang hilagang bahagi ng bansa na tinatayang kulang na sa 200 kilometro mula sa Taiwan.
Ayon kay Andolong, walang karapatan ang China na diktahan ang Pilipinas kung anong nais nitong gawin sa sarili nitong bakuran dahilan isa itong independent na bansa na hindi naman ng mga ito saklaw.
“The Defense Department stresses that Batanes is Philippine territory and China has no business warning the Philippines about what it does within its territory,” sabi pa ni Andolong.
- Latest
