Metro Pacific Tollways South mas pinalakas ang pagresponde sa mga biyahero ngayong Undas

MANILA, Philippines — Muling pinalakas ng toll road operator na Metro Pacific Tollways South (MPT South) ang kaligtasan sa kalsada para sa mga biyahero ng Undas at mu­ling isinaaktibo ang programang “Safe Trip Mo, Sagot Ko” (SMSK) sa mga high-speed road network nito na Cavite-Laguna Expressway (CALAX), kasama ang joint venture partner nito, ang Philippine Reclamation Authority (PRA) at ang operating subsidiary nitong PEA Tollway Corporation (PEATC) para sa Manila-Cavite Expressway (CAVITEX) at CAVITEX C5 Link.

“This year’s celebration of Undas season will be different from the past two years as cemeteries, especially in Metro Manila, now reopens and more motorists are expected to ply the roads. We are anticipating as much as 10% increase in the volume of vehicles that will pass through our toll roads from October 28 to November 2, 2022,” ani  MPT South’s President and General Manager Mr. Raul L. Ignacio.

Mula alas-6:00 ng umaga sa Oktubre 28 hanggang 6:00 ng umaga sa Nobyembre 2, 2022, ang mga toll road ng MPT South ay magbibigay ng libreng paghatak o towing sa pinakamalapit na exit para sa mga Class 1 na sasakyan na nangangailangan ng tulong.

Mas paiigtingin ang 24/7 motorist assistance at mapapalaki ang deployment ng traffic operations personnel sa mga toll plaza at sa ground para masiguro ang maayos na trapiko.

Ang CAVITEX Customer Service Centers (Cavite at Manila bound) ay magiging available 24/7 para sa RFID health check, installation, at reloading. Ang mga karagdagang cash lane para sa mga motoristang nagbabayad ng cash ay magbubukas upang magsilbi sa mga pana-panahong biyahero na walang RFID.

Ang emergency medical service, incident response team, at towing services ay nasa high alert status upang makapaglingkod sa mga nangangailangang motorista.