Chiz kay Mar: Hindi sapat ang 20% boto para manalo
MANILA, Philippines – Ipinaalala ni Sen. Chiz Escudero kay Liberal Party presidential candidate Mar Roxas na hindi sapat ang dalawampung porsiyentong (20%) boto para manalo sa eleksiyon sa susunod na taon.
Ginawa ni Escudero ang reaksiyon sa gitna ng ginagawang pagmamalaki ng administrasyon na may 20% solidong boto ang kanilang kandidato.
“Oo, tila may mga solid siyang mga dalawampung porsiyento. Pero, sa pananaw ko ay hindi sapat ang dalawampung porsiyento para manalo,” ani Escudero
Sinabi rin ni Escudero, running mate ni Sen. Grace Poe na maaari pang mabago ang sinasabing 20% solidong boto ng mga supporters ni Roxas.
Samantala, patuloy na umaasa si Escudero na papabor kay Poe ang Supreme Court kaugnay sa kinakaharap nitong disqualification case.
Mas makakabawi pa umano si Poe sa mga survey kung magpapalabas ng paborableng desisyon ang SC.
- Latest
