Programa sa benepisyaryo ng CMP

MANILA, Philippines - Naglunsad ng programang “One year Updating scheme” ang Social Housing Finance Corporation (SHFC) na magpapatupad ng Community Mortgage Program (CMP) kung saan nagbibigay ng pagkakataon sa mga benepisyaryo ng CMP na hindi nakabayad ng buwanang hulog sa takdang panahon.

Ayon kay Ma. Ana R. Oliveros, pangulo ng SHFC, ang programang ito ay tugon sa kahili­ngan ng mga benepisyaryo ng CMP na hindi nakapagsumite ng aplikasyon noong 2011 nang ipatupad ang “Loan Restructuring with Penalty Condonation” na kilala bilang “Socialized ang Low-Cost Housing Loan Restructioning and Condonation Act of 2008.”

Bukod sa pagpapatawad sa mga multa (penalty condonation), ang paraang ito ay maituturing na abot-kaya sa mga nais na ma­kinabang dahil sa patakarang “no processing fee” ay “optional downpayment.”

Ang mga kwalipikadong benepisyaryo ay maari nang magsadya at maghain ng aplikasyon sa tanggapan ng SHFC sa BDO Plaza, 8737 Paseo de Roxas, Makati City na may tel.# 7506337.

Ang kumpletong listahan ng SFHC Regional Satellite Offices gayundin ang “Implementing Guidelines” para sa nasabing progama ay maaaring makita sa SHFC website: www.shfcph.com