Media kailangan ng representasyon sa Kongreso

MANILA, Philippines -  Hayagang  idinek­la­­ra ng National Press Club na kaila­ngan nito  ng represen­tante sa le­hislatu­ra upang maisulong ang kapaka­nan ng malayang pamamahayag na kasalu-kuyang nanga­nganib  sa ating bansa.

Ito ang naging paha­yag ni NPC President Benny Antiporda bilang pa­nawagan sa Commission on Elec­tions na ire­konsidera ang desisyon nitong pagtutol sa pag­la­hok ng partidong  Alab ng Mamamaha­yag (ALAM) sa dara­ting  na 2013 midterm elections.

Labis na nangangam­ba ang NPC sa sitwas­yon  ngayon sa usa­ping mala­yang  pamama­hayag sa bansa  kung  saan walang hum­pay  ang nagaganap na pagpatay sa mga mamamaha­yag na hanggang  sa kasalukuyan ay hindi mabigyan ng katarungan.

Kaugnay nito, nanga­ngamba rin ang NPC  sa ilang sunod na paglabas ng mga  bagong batas na maituturing na  kikitil sa malayang  pamamahayag.

Una nang tinangkang ipasa ang Data Privacy Act na naglalalaman ng mga probis­yong haharang sa pagkuha ng impormas­yon  ng mga mamamaha­yag  ang mga data provider  na may mga kaukulang  parusang multa at  pagkakakulong.

Mabilis naman itong  hinarang ng NPC at  na­ipasok ang ‘Sotto Law’ sa na­sabing panu­kala na nagsasabing  hindi maaaring ideman­da ang mga media  sa ngalan ng malayang pamamahayag.

Ngunit napalusutan  ang samba­yanan matapos na lagdaan ni Pa­ngulong Aquino ang Cybercrime Prevention Law of 2012 na mali­naw na kikitil sa mala­yang pamamaha­yag  sa cyberspace kung saan dinoble pa sa nasa­bing batas ang senten­siya ng kasong libelo, mula prision correctio­nal (6 na buwan at isang araw hanggang 6 na taon) ay gina­wa itong prision mayor (6  na taon at isang  araw  hang­gang 12 taon).